So, ich schrib do jetzt au emol öpis ine! Ich wäis nome noni so recht was...hmmmm...ich verzell eifach mol chli öpis öber mech: Ich be zwöiehalb woche en südfrankrich gsi - e de nöchi vo port grimaud, denn hani no do e de schwiiz e sone halbi Woche Ferie gha ond jetzt beni am schaffe emene architekturbüro. Aha jo wägem Film, das chönt jo d'Klass no intressiere. Ich wettne bes ändi august fertig ha ond wördne denn emol zäige oder ergendwie uf dvd vertriebe...

Lukas

Hmm... es get langsam Lebe do inne :p

Wa benutzisch du zum die DVD z brenne? I han's mit em Nero probiert (d Versione weiss i nümme, öbbe 3 dureprobiert) aber im DVD-Player händ usnahmslos alli DVDs nächäne gstockt bim abspiele (immer wieder Unterbrechige dinne gha).

Hoi zaeme!
Also i han do au mol inegluegt...ond das vom wiite, wiite England her! Bes i do aentli drus cho ben wies fonktioniert, complicated, complicated!
Nor hets leider nonig so woerkli vell biitraeg denne. Aber d'grondidee fendi also sehr guet, vowaege emene forum. so ghoert mer sech emu ab ond zue no !
Luki: wie wiit esch de felm scho?
ond chamer die bloed Infoleiste vo google ned waegtue? sie verdeckt mer dhaelfti vom text. oder gsehn aech nor ich die?:-)

So, keep on writing !

liebi Gruess os Manchester, Michelle

Gege die Werbeleiste chönne mir nüt mache, well dank dere s Forum gratis isch...

Chönnti's sii, dass du dich i s falsche Forum verirrt gha hesch? S andere ghört zuefälligerwiis au mir, da isch fasch wie Monopoly...

Het eigentli no niemert sich welle es Porträt oder en Signatur zuelege? Es gseht no so trist us was da betrifft :)

Lago mio! heieiei hett jetzt das ebbis bruucht bis s'Fabi usegfonde hett, wo mer do ebbis chan schriibe!! *peinlich*
Aber i hoffe es klappt jetzt!

Also: es ist nämlich eine wichtige Mitteilung zu tun: Fabi goes Canada!! *freu* ond zwar am 17. September. Ihr wäret alli härzlich iiglade am Sonntig 11. September, ab de 3ne cho verbiizluege ond weder einisch chli zämezhöckle. I wörd mi freue, möglichscht vell vo euch weder z'gseh!!! Natürli gets au chli ebbis z'ässe ond z'trinke:-)

Aber i tue das sösch nomol imene Mail verschicke, eifach im Falle des Falles falls ned alli do is Forum chöme cho luege....das wär allerdings Schad, wöll i fendes wörkli e super Idee vom Dominik, dass er das Forum iigrechtet het, merci!!Nor no en chline konstruktive Vorschlag: irgendwie fendi das Ganze chli unübersichtlich, wärs mögli, dass mer irgend en Link konstruiert wo mer direkt ines Feister chonnt zom Biiträg schriibe?

salutti a tutti

So, jetzt chum ich au mol i das Forum, isch jo würkli en super Idee. Aso Komplimänt, super isch das!
Vilicht gsehni jo no es paar Lüt bim Fabi am Sonntig, wil nacher hau ichs no uf Rhodos, muss nomol en Ladig sunne ha

Ich weiss au noni met wie ich die dvds söll brönne. Muess mer das mol öberlegge!...aber zerscht no de felm fertig mache :-)

Hello,how are you? (dae typisch irischi gruess)
ha taenkt, i due mi au mol maelde..aber ned osem schoene schwiizerlaendli..sondern os irland..do beni naemli foer di naechste zwe wochene ede ferie..s waetter esch emmer chli waechselhaft..mer mues eifach emmer of alles gfasst si..aber soesch esches wonderschoen do..t landschaft esch eifach traumhaft!!hoett haemmer en velotour de koeschte vo Galway enlang odnernoh.. s het vell ponies, geisse, schoefli, ruine ond vell vell gras..s soell sogar robbe ond delfine ade koeschte entlang ha..
i hoff, oich gohts allne guet ond er gnuessed oichi ziit!
ganz liebi gruessli from eire evi